Agar hum kahen aur woh Muskuraa dein

Agar hum kahen aur woh Muskuraa dein
Hum un key liyeh, zindagani lutaa dein

Har ik morh par hum Ghamon ko saza dein
Chalo zindagi ko muhabat bana dein

Agar Khud ko bhuule to kuch bhi na bhuule
Key Chaahat mein unki Khudaa ko bhulaa dein

Kabhii Gham ki aandhi jinhen choh na paaye
Wafaa ke hum woh nasheman banaa dein

Qayaamat ke diwaney Kehtey hain humsey
Chalo unkey chehrey se pardaa hataa dein

Sazaa de silaa de, banaa de mitaa dey
Magar woh koii faisalaa to sunaa dein